Markmið og gildi GlóMotion Heilsu- og Lífsfærniráðgjafanámsins

Markmið GlóMotion Heilsu- og Lífsfærniráðgjafanámsins er að veita nemendum þá þekkingu, reynslu og færni sem þarf til að styðja einstaklinga til aukinna lífsgæða, betri heilsu og meiri vellíðanar í gegnum breytta hegðun, aukna vitund og valdhæfni.

Námið byggir á þeirri sannfæringu að hver manneskja búi yfir innri getu til vaxtar, umbreytingar og farsældar. Hlutverk ráðgjafans er ekki að laga fólk heldur að hjálpa því að vakna til eigin styrkleika, ábyrgðar og möguleika.

GlóMotion byggir á heildrænni sýn þar sem líkamleg, andleg, tilfinningaleg og félagsleg vellíðan eru órjúfanlega tengd. Nemendur öðlast skilning á þeim þáttum sem hafa áhrif á líðan og lífsstíl og læra að beita hagnýtum verkfærum sem styðja varanlegar jákvæðar breytingar.

Áhersla er lögð á samtalslist, hlustun, leiðsögn og ráðgjöf þar sem einstaklingurinn stendur í miðju athyglinnar. Jafnframt sameinar námið fræðilega þekkingu og hagnýta reynslu á sviði heilsu, lífsfærni, mannlegrar hegðunar og umbreytingar.

Gildi námsins

Gildin sem liggja til grundvallar náminu byggja á virðingu fyrir manneskjunni, ábyrgð á eigin birtingu og þeirri sýn að vellíðan sé afleiðing viðhorfa, lífsstíls í vitund og daglegra ákvarðana.

Námið hvetur nemendur til að rækta fagmennsku, heilindi og leiðandahæfni sem byggir á nærveru, hlustun, kærleika og ábyrgð. Litið er á vellíðan sem lífsmáta fremur en markmið — afleiðingu þess hvernig við beinum athygli okkar, tökum ábyrgð á vali okkar og lifum í samræmi við gildi okkar og tilgang.

Jafnframt er lögð áhersla á valdhæfni, samfélagslega ábyrgð, umhverfisvitund og samstöðu. Markmiðið er að mennta ráðgjafa sem ekki aðeins miðla þekkingu heldur lifa sjálfir þeim gildum sem þeir leiðbeina öðrum að tileinka sér.

Höfuðatriði kennslunnar

Heildræn vellíðan

Skilningur á samspili líkama, hugar, tilfinninga, samskipta og lífsstíls sem grunnur að heilbrigðu og innihaldsríku lífi.

Athygli, vitund og valdhæfni

Þjálfun í því hvernig athygli mótar upplifun, hvernig hegðun opinberar mátt eða vanmátt og hvernig ábyrgð leiðir til aukinnar valdhæfni.

Ráðgjöf og samtalslist

Þróun færni í hlustun, spurningatækni og leiðsögn sem styður ábyrgð, sjálfsskoðun og jákvæðar breytingar.

Lífsstíll og umbreyting

Skilningur á áhrifum viðhorfa, ferla og hegðunar á heilsu, líðan og lífsgæði.

Rannsóknir og verkfæri

Kynning á nýjustu rannsóknum og aðferðum á sviði heilsu, streitustjórnunar, vellíðanar og mannlegrar hegðunar.

Fagmennska og siðferði

Áhersla á trúnað, ábyrgð, virðingu og fagleg vinnubrögð.

Samfélagsleg ábyrgð

Vitund um áhrif einstaklingsins á samfélag, umhverfi og nærsamfélag og hvernig meðvitaður lífsstíll getur skapað jákvæð áhrif til framtíðar.

GlóMotion Heilsu- og Lífsfærniráðgjafanám er bæði persónulegt umbreytingarferðalag og fagleg menntun. Það er ætlað þeim sem vilja efla eigin lífsgæði, dýpka skilning sinn á mannlegri hegðun og öðlast færni til að leiða aðra til aukinnar heilsu, vellíðanar og lífsfyllingar.